Portuqaliyada oktyabrın 6-da keçirilmiş parlament seçkisinin ilkin nəticələri açıqlanıb. Novator.az-ın məlumatına görə, baş nazir Antonio Koştanın liderlik etdiyi Sosialist Partiyası önə çıxaraq 230 yerlik parlamentdə 106 mandata sahib olub.

Əsas siyasi qüvvələrdən Sosial Demokrat Partiyasının 77, Solçu blokun 19, Demokratik Birlik Koalisiyasının 12 mandat əldə etdiyi bildirilir.

1961-ci il təvəllüdlü Antonio Koşta 2015-ci ildən baş nazir kürsüsünü tutur. Yenidən hökumət formalaşdırmaq üçün Sosialist Partiyası koalisiyaya getmək məcburiyyətindədir.