2019-cu ilin fiziologiya və tibb üzrə Nobel mükafatına amerikalı alimlər Uilyam Kelin, Qreqq Semenza və britaniyalı alim Peter Ratkliff layiq görülüblər.

Novator.az xəbər verir ki, qərarı oktyabrın 7-də Stokholmdakı Kral Tibb İnstitutunun Nobel komitəsi açıqlayıb.

Alimlər Nobel mükafatına sağlam hüceyrələrin oksigenə reaksiyası sahəsində tədqiqata görə layiq biliniblər.

Oksigenin miqdarının maddələr mübadiləsinə təsirini araşdıran alimlərin kəşfinin anemiya, xərçəng və başqa xəstəliklərin müalicəsində yeni metodlara yol açacağı qeyd olunur.   

Mükafatın məbləği 9 milyon İsveç kronudur.

Səidə Hüseynova