Dolların duruşu 19 aya çatdı
Mərkəzi Bank oktyabrın 7-də ABŞ dollarının məzənnəsini 1,7 manat səviyyəsində saxlayıb. Novator.az bildirir ki, bununla qiymət sabitliyinin 19 ayı tamamlanıb.
Avronun rəsmi kursu 1,8666, Gürcüstan larisi 0,5741, Rusiya rublu 0,0263 manata yüksəlib.
Dəyər itirən Türkiyə lirəsi banklara 0,2977 manata təklif olunur (Valyutalar).
2015-ci il fevralın 21-də və dekabrın 21-də baş verən iki devalvasiya nəticəsində dolların rəsmi kursu 0,7862 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili dollar 1,7001 manatla yola salıb. 2018-ci il martın 7-dən bu valyuta 1,7 manata satılır.
Dövlət Neft Fondu manatın qorunması üçün Mərkəzi Bankın 2019-cu ilin doqquz ayında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar, aprelin hərraclarında 423,7 milyon dollar, mayın hərraclarında 352,4 milyon dollar, iyunun hərraclarında 315,9 milyon dollar, iyulun hərraclarında 434,9 milyon dollar, avqustun hərraclarında 815,4 milyon dollar, sentyabrın hərraclarında 618,9 milyon dollar alınıb.
2016-cı ildə Dövlət Neft Fondu manatı qorumağa 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar sərf edib.
Avro 2019-cu ilə 1,9323 manatla başlayıb.
25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz satılıb. Avqustun 14-dən rəsmi məzənnə yenə 1 manat 90 qəpikdən aşağıdır.
Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla start götürüb.
