Avropa beşliyində…
Almaniya milli futbol çempionatında 7-ci tur başa çatıb. Novator.az-ın məlumatına görə, “Borussiya” (Mönhenqladbah) 16 xalla ilk sırada qərar tutur, onu 15 xalla “Volfsburq” təqib edir. “Bavariya”, “Leypsiq”, “Frayburq”, “Şalke” və “Bayer” 14 xal yığıb.
İngiltərə çempionatında 8 turun ardından 24 xalla “Liverpul” liderdir. “Mançester Siti” 16, “Arsenal” 15, “Lester”, “Çelsi” və “Kristal Pelas” 14 xal əldə edib.
İspaniya çempionatında da 8 tur oynanıb və “Real” 18 xalla öndə durur. “Barselona” 16, “Atletiko” 15, “Qranada” 14, “Sevilya” və “Real Sosyedad” 13 xal götürüb.
İtaliya çempionatında 7 turdan sonra turnir cədvəlinə 19 xalla “Yuventus” başçılıq edir. “İnter” 18, “Atalanta” 16, “Napoli” 13, “Roma” 12 xal qazanıb.
9 turu geridə qalan Fransa çempionatında PSJ-nin 21, “Nant”ın 19, “Anje”nin 16, “Bordo” və “Lill”in 15 xalı var.
