Gürcüstanda cəza statistikası açıqlanıb
Gürcüstanın Milli Statistika Xidməti cəza hesabatı açıqlayıb. Novator.az xəbər verir ki, statistikaya əsasən, ölkə məhkəmələri 2019-cu ilin ilk 6 ayında 7 min 600 nəfərə yaxın şəxsi cəzaya məhkum edib.
1500-ə yaxın məhkumun oğurluq hadisələrinə görə cəza aldığı qeyd olunur.
İkinci yerdə narkotiklə əlaqəli cinayətlərə görə məhkum olunanlar gəlir:995 nəfər.
Cəza üçlüyünü yol hərəkəti və nəqliyyat vasitələrinin istismarı qaydalarını pozmaqda ittiham olunanlar qapayır.
Hesabata görə, məhkum olunanların əksəriyyəti 30-49 yaş arasında kişilərdir.
Yarım ildə 1900-ə yaxın şəxsin azadlıqdan məhrum edildiyi, 3 min 800 nəfərə yaxın şəxsin şərti həbs cəzası aldığı, 1400-ə yaxın şəxsə cərimə kəsildiyi, 486 nəfərin icbari əməyə cəlb olunduğu bildirilir.
Milli Statistika Xidmətinin məlumatına görə, 2019-cu il yanvarın 1-nə həbsxanalarda 9 min 600 nəfərdən çox şəxs cəza çəkib.
Səidə Hüseynova
