Əliyevlə Putin görüşüblər
Azərbaycan və Rusiya prezidentləri İlham Əliyevlə Vladimir Putin oktyabrın 3-ü Soçidə bir araya gəliblər.
Novator.az-ın məlumatına görə, dövlət başçıları ticarət əlaqələrinin və iqtisadi münasibətlərin müsbət dinamikasını vurğulayıblar.
Rusiya prezidenti 2018-ci ildə iki ölkə arasında ticarət dövriyyəsinin 2,5 milyard dollar olduğunu qeyd edib.
Vladimir Putin digər sahələrdə münasibətlərin vəziyyəti barədə informasiya mübadiləsinə ehtiyac olduğunu da söyləyib.
İlham Əliyev Rusiyanı vacib tərəfdaş, dost və yaxşı qonşu adlandırıb: “Biz bu münasibətlərə çox böyük önəm veririk. İnanıram ki, bugünkü söhbətimiz əlaqələrimizin inkişafına yaxşı töhfə olacaq”.
Azərbaycan prezidenti 2019-cu ilin 7 ayında ölkənin Rusiya ilə mal dövriyyəsinin 20%-dən çox artdığını deyib.
İlham Əliyev Soçiyə Vladimir Putinin dəvəti ilə, “Valday” beynəlxalq diskussiya klubunun işində iştirak etmək üçün gedib.
