Yeni güzəştli kreditlər
İqtisadiyyat Nazirliyinin Sahibkarlığın İnkişafı Fondu oktyabrın 2-si Saatlıda işgüzar forum keçirib. Rəsmi məlumata görə, iqtisadiyyat nazirinin müavini Sahib Məmmədov forumda deyib ki, 2019-cu ildə sahibkarların investisiya layihələrinin maliyyələşdirilməsinə 130 milyon manatadək güzəştli kredit verilib.
İşgüzar forumda Aran iqtisadi rayonunun sahibkarları 1,4 milyon manatadək güzəştli kredit alıb. Kreditlərin heyvandarlıq, bağçılıq, çörək istehsalı müəssisəsinin yaradılması və s. sahələrin inkişafına yönəldiləcəyi, 100-dən çox iş yerinin açılmasının mümkün olacağı bildirilir.
