Oktyabr siftəsi
Oktyabrın 1-də ABŞ dollarının rəsmi kursu 1,7 manat həddində qalıb.
Novator.az-ın məlumatına görə, Mərkəzi Bank avronu (1,8515 manat), Çin yuanını (0,2378 manat), Gürcüstan larisini (0,5716 manat), İngiltərə funt sterlinqini (2,0887 manat) və Rusiya rublunu (0,0262 manat) ucuzlaşdırıb.
Dəyər artıran Türkiyə lirəsi banklara 0,3009 manata satılır (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dolların indiki rəsmi qiyməti isə 2018-ci il martın 7-dən qüvvədədir.
Dövlət Neft Fondu manatı qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.
