Maliyyə Bazarlarına Nəzarət Palatası bank sektorunun göstəricilərini açıqlayıb. Novator.az bildirir ki, rəsmi hesabata görə, 2019-cu il sentyabrın 1-nə Azərbaycandakı bankların 30,3 milyard manat aktivi, 25,6 milyard manat öhdəliyi olub.

Kredit portfeli 13,5 milyard manat, fiziki şəxslərin əmanətləri 8,4 milyard manat göstərilir, avqust ayında bankların 55,9 milyon manat xalis mənfəət əldə etdiyi vurğulanır.

Qeyd olunur ki, fəaliyyət göstərən 30 bankdan 14-ü xarici kapitallıdır, onların 7-də xarici kapitalın payı 100%-dir.

Hesabata əsasən, 30 bankın 514 filialı, 129 şöbəsi var, bank sektorunda 18 min 711 nəfər çalışır.