Gürcüstan: 10 ildə boşanmalar 5 dəfə çoxalıb
Gürcüstanın Milli Statistika Xidməti nikah və boşanma hesabatı yayıb. Novator.az xəbər verir ki, rəsmi bilgiyə görə, 2019-cu ilin ilk yarısında ölkədə 10 min 500-ə yaxın nikah bağlanıb, 5 min 300-ə yaxın cütlük boşanıb.
Ən yüksək boşanma göstəricisinin paytaxt Tbilisidə qeydə alındığı bildirilir. Yanvar-iyun aylarında baş şəhərdə 3 mindən artıq nikah və 1800-dən çox boşanma rəsmiləşib.
Hesabata əsasən, 2018-ci ilin yanvar-iyun aylarında da 5 mindən çox rəsmi boşanma qeydə alınıb.
Milli Statistika Xidmətinin məlumatında son 10 ildə boşanan cütlüklərin sayının təqribən 5 dəfə çoxaldığı vurğulanır.
Rəsmi statistikaya görə, Gürcüstanın 3,7 milyon nəfər əhalisi var, qadınların orta nikah yaşı 27, kişilərin orta nikah yaşı 30-dur.
Səidə Hüseynova
