Dollardan başqa…
Sentyabrın 26-da valyutaların bir çoxu ucuzlaşıb. Novator.az-ın məlumatına görə, avro 1,8635, Gürcüstan larisi 0,5716, Rusiya rublu 0,0265 manata düşüb.
Mərkəzi Bank ABŞ dollarının kursunu 1,7 manat həddində saxlayıb, məzənnəsi yüksələn Türkiyə lirəsini isə 0,2997 manata təklif edir.
Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatı qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.
