Avropa Məhkəməsi Azərbaycan dövlətinə yeni cərimələr kəsdi
Avropa İnsan Hüquqları Məhkəməsi 2011-ci il aprelin 2-də Bakıda keçirilmiş mitinqin iştirakçılarının tutulması və cinayət məsuliyyətinə cəlb olunması işləri üzrə qərarlar verib. Novator.az bildirir ki, vəkil Əsabəli Mustafayevin yaydığı məlumata görə, məhkəmə ərizəçilərin Avropa İnsan Hüquqları Konvensiyası ilə verilmiş azadlıq və toxunulmazlıq, ədalətli məhkəmə araşdırması, yığıncaqlar və birləşmək azadlığı hüquqlarının pozuntusunu tanıyıb, Azərbaycan dövlətinə cərimələr kəsib.
Hazırda Müsavat başqanı olan, 2 aprel mitinqinə görə 2012-ci il iyunun 26-dək həbsdə yatmış Arif Hacılıya 11 min 500 avro təzminat ödənməsinə qərar verilib.
Digər işlər üzrə təzminat məbləğləri belədir:
Məhəmməd Məcidli üçün 15 min avro
Fuad Qəhrəmanlı üçün 11 min 500 avro
Babək Həsənov üçün 11 min 500 avro
Zülfüqar Eyvazov üçün 11 min 500 avro
Arif Alışlı üçün 11 min 500 avro
Elşən Həsənov üçün 11 min 500 avro
Rüfət Hacıbəyli üçün 11 min 500 avro
Sahib Kərimov üçün 11 min 500 avro
Ülvi Quliyev üçün 11 min 500 avro
Tural Abbaslı üçün 10 min avro.
