Rusiyalılar nə qədər pensiya alır?
Rusiyanın Pensiya Fondu yeni statistika açıqlayıb. Novator.az xəbər verir ki, fondun hesabatında ölkə üzrə orta pensiya məbləği 14,2 min rubl (1000 rubl 26,6 manatdır) göstərilir.
Rəsmi məlumata görə, ən yüksək pensiyanı Çukot Muxtar Mahalının sakinləri alır: 24,3 min rubl.
İlk beşlikdə Maqadan vilayəti (21,6 min rubl), Kamçatka diyarı (21,2 min rubl), Murmansk vilayəti (19 min rubl) və Yakutiya da (18,9 min rubl) qərarlaşır.
Hesabata əsasən, Rusiyada ən az pensiyanı Dağıstan Respublikasının sakinləri alır: 10,9 min rubl.
Pensiya məbləğinin aşağı olduğu digər bölgələr Kabardin-Balkar Respublikası (11 min rubl), Qaraçay-Çərkəz Respublikası (11,9 min rubl), Kalmık Respublikası (12 min rubl) və İnquşetiya Respublikasıdır (12,1 min rubl).
Azərbaycanda aylıq pensiyaların orta məbləği 232,3 manatdır (8733 rubl).
Səidə Hüseynova
