Qonşuluqda uşaq pulu artır
2020-ci ildən Ermənistanda birinci uşağa görə birdəfəlik müavinətin məbləği 50 min dramdan 300 min drama artırılacaq (485 dram 1 dollara bərabərdir). Baş nazirin müavini Tiqran Avinyan belə açıqlama verib.
Novator.az-ın məlumatına görə, ikinci uşaq üçün birdəfəlik müavinətin də 300 min drama çatacağı bəyan olunub. İndi ikinci uşaq üçün 150 min dram ödənir.
Hökumətin planına əsasən, 2020-ci ildən işləyən analara verilən aylıq müavinət 18 min dramdan 25 min 500 drama yüksələcək.
Kəndlərdə yeni müavinət tətbiqi də nəzərdə tutulur: 2 yaşdan kiçik uşaqları olan analara ayda 25 min 500 dram vəsait ödənəcək.
Azərbaycanda uşağın anadan olmasına görə 200 manat birdəfəlik müavinət verilir. 18 yaşa qədər uşaqlara hər ay uşaq pulunun verilməsi praktikası 2006-cı ildən, ünvanlı sosial yardım tətbiq ediləndən dayandırılıb.
Səidə Hüseynova
