Avropa meydanlarında
İngiltərə milli futbol çempionatında 6 tur arxada qalıb. Novator.az-ın məlumatına görə, turnir cədvəlinə 18 xalla “Liverpul” başçılıq edir. Onu 13 xalla “Mançester Siti” izləyir. “Lester”, “Arsenal” və “Vest Hem”in 11 xalı var.
5 turdan sonra İspaniya çempionatında “Atletik” və “Real” 11 xalla öndə dururlar. “Qranada”, “Real Sosyedad”, “Sevilya” və “Atletiko” 10 xal götürüb.
Almaniya çempionatında da 5 tur oynanıb. “Leypsiq” 13 xalla ilk pillədə dayanır. “Bavariya” 11, “Borussiya” (Dortmund), “Frayburq”, “Şalke”, “Borussiya” (Mönhenqladbah) və “Bayer” 10 xal yığıb.
İtaliya çempionatında 4 turun ardından “İnter” liderdir: 12 xal. “Yuventus” 10, “Napoli” 9, “Roma” 8 xal əldə edib.
6 turu yola salan Fransa çempionatında PSJ 15 xalla hamını qabaqlayır. “Anje” və “Nitsa” 12 xal, “Renn” və “Marsel” 11 xal qazanıblar.
