Şəhid ailələri və müharibə əlillərinə 64 mənzil verildi
Əmək və Əhalinin Sosial Müdafiəsi Nazirliyi Abşeron rayonunun Saray qəsəbəsində 20, Digah qəsəbəsində 12, “Göy Qurşağı” kompleksində 22, Binəqədi rayonundakı “Gənclər şəhərciyi” kompleksində 9, Astara rayonunda 1 mənzili (ümumilikdə 64 mənzili) yeni yaşayış binalarından alıb şəhid ailələrinə və Qarabağ müharibəsi əlillərinə təqdim edib. Rəsmi məlumat sentyabrın 19-da yayılıb.
Arayışa görə, şəhid ailələri və müharibə əlillərinə 2018-ci ildə 626 mənzil, bu il 174 mənzil verilib. İndiyədək şəhid ailələri və müharibə əlilləri nazirlikdən 6828 mənzil alıb.
