Rusiyalıların informasiya mənbəyi
“Deloyt” şirkəti Rusiya əhalisinin informasiyanı hansı mənbələrdən aldığını araşdırıb. Novator.az-ın məlumatına görə, tədqiqat ölkənin 250 yaşayış məntəqəsinin 1600 sakini arasında onlayn sorğunun nəticələrinə əsaslanır.
Sorğu göstərib ki, 2019-cu ildə televiziyaya baxanların və qəzet oxuyanların sayı azalıb, respondentlər informasiyanı əsasən internet resurslarından əldə edir.
Tədqiqatın nəticələrinə görə, respondentlərin 56%-i informasiyanı Rusiya mənbələrindən almağa üstünlük verir. Amma son 5 ildə belə respondentlərin sayının 8% azaldığı vurğulanır.
Xarici mənbələrdən məlumat almağa üstünlük verənlər 8% təşkil edir. Onların əksəriyyəti tələbələrdir.
Səidə Hüseynova
