Arif Hacılı iki yeri nişan verir
Müsavat Partiyasının başqanı Arif Hacılı Bakı Şəhər İcra Hakimiyyətinin başçısı Eldar Əzizova rəsmi məktubla müraciət edib. Novator.az-ın məlumatına görə, məktubda Müsavat Partiyasının 2019-cu il oktyabrın 12-nə təyin olunmuş qurultayında 400 nəfərə yaxın nümayəndənin, 100-dək qonağın iştirakının gözləndiyi vurğulanır və müvafiq yer ayrılması xahiş olunur.
Müsavat başqanı məktubunda Rəşid Behbudov adına Dövlət Mahnı Teatrının (Səbail rayonu) və ya Abbas Mirzə Şərifzadə adına Mədəniyyət Evinin (Yasamal rayonu) 400-500 nəfərlik tədbir üçün daha münasib olduğunu qeyd edir.
1911-ci ildə yaradılmış Müsavatın ali orqanı olan qurultayın partiyanın proqramını və nizamnaməsini qəbul etmək, onlarda dəyişiklik və əlavələr etmək, Məclisin rayon (şəhər) təşkilatı sədri olmayan üzvlərini, partiyanın başqanını və Mərkəzi Nəzarət-Təftiş Komissiyasını seçmək səlahiyyətləri var.
Müsavatın qurultay günü bilindi
Tofiq Yaqublu başqan olmaq istəyir
