Sentyabrın 16-da avronun rəsmi məzənnəsi 1,8825 manata yüksəlib.

Novator.az-ın məlumatına görə, Çin yuanı (0,2404 manat), İngiltərə funt sterlinqi (2,1197 manat), Rusiya rublu da (0,0266 manat) bahalaşıb.

ABŞ dollarının məzənnəsi 1,7 manat səviyyəsində qalıb, Gürcüstan larisi (0,5737 manat) və Türkiyə lirəsi (0,2964 manat) dəyər itirib (Məzənnələr).

Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların indiki rəsmi qiyməti isə 2018-ci il martın 7-dən qüvvədədir.

Dövlət Neft Fondu manatın məzənnəsini qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.