Ermənistanın Milli Təhlükəsizlik Xidmətinin direktoru Artur Vanetsyan sentyabrın 16-da istefa verib. Novator.az-ın məlumatına görə, özünün “Facebook” səhifəsində Artur Vanetsyan yazıb ki, istefa qərarı indiki vəziyyətdə və gələcək kontekstdə Ermənistana və xalqa xidməti üçün ən məqbul və əsaslandırılmış variantdır.
Həmin gün Vanadzor şəhərində mətbuat konfransı keçirən Nikol Paşinyan ölkə prezidentinə Artur Vanetsyanın Milli Təhlükəsizlik Xidmətinin direktoru postundan çıxarılması üçün vəsatət verdiyini bəyan edib. Baş nazir qeyd edib ki, Artur Vanetsyan həm də Ermənistan Futbol Federasiyasının prezidentidir və indiki məqamda onun əsas diqqəti Ermənistan milli komandasının 2020-ci ilin Avropa çempionatına vəsiqə qazanmasına yönəlməlidir.
