Doğulanların 53,4 faizi oğlandır
2019-cu ilin əvvəlindən Azərbaycan əhalisinin sayı 0,5 faiz artaraq avqust ayının 1-nə 10 milyon 27 min 874 nəfərə çatıb. Novator.az-ın məlumatına görə, Dövlət Statistika Komitəsi bildirir ki, əhalinin 49,9 faizi kişilər, 50,1 faizi qadınlardır.
Ədliyyə Nazirliyinin yerli qeydiyyat şöbələri yanvar-iyul ayları ərzində 79 min 861 doğulan körpə qeydə alıb. Onların 53,4 faizi oğlan, 46,6 faizi qız uşaqlarıdır.
7 ayda ölkədə 33 min 647 ölüm halı, 35 min 192 nikah, 9 min 793 boşanma rəsmiləşib.
Yanvar-iyul ayları ərzində Daxili İşlər Nazirliyi və Dövlət Miqrasiya Xidmətinin daimi yaşamaq üçün 1095 nəfər gələn, 892 nəfər gedən qeydə aldığı vurğulanır.
