Rusiya əhalisinin yaş bölgüsü
Rusiyanın Federal Statistika Xidməti demoqrafik hesabat yayıb. Novator.az xəbər verir ki, rəsmi bilgiyə əsasən, 2019-cu ilin əvvəlinə ölkədə 146 milyon 781 min nəfər yaşayıb. Onların 68 milyon 97 mini kişi, 78 milyon 684 mini qadındır.
Statistikaya görə, əhalinin 32 milyon nəfərindən çoxu 60 yaşdan yuxarı, 24,4 milyonu isə 30-39 yaşlı insanlardır.
9 yaşa qədər olanların sayı 18 milyondan çox, 10-19 yaş arasında olanların sayı 14,7 milyondan çox, 20-29 yaş arası insanların sayı 17,3 milyondan çox, 40-49 yaşlı insanların sayı 20,3 milyona yaxın, 50-59 yaş arası əhalinin sayı 19,8 milyon nəfər göstərilir.
Səidə Hüseynova
