Mərkəzi Bank sentyabrın 11-də avro (1,8788 manat), Gürcüstan larisi (0,5734 manat) və Rusiya rublunu (0,0260 manat) bahalaşdırıb.

ABŞ dollarının rəsmi kursu 1,7 manat həddində saxlanıb, dəyər itirən Türkiyə lirəsi isə banklara 0,2947 manata təklif olunur (Valyutalar).

Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların indiki kursu isə 2018-ci il martın 7-dən qüvvədədir.

Dövlət Neft Fondu manatı qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.