İqtisadiyyat Nazirliyinin Sahibkarlığın İnkişafı Fondu sentyabrın 11-i Bakının Binəqədi rayonunda işgüzar forum keçirib. Rəsmi məlumata görə, forumda bildirilib ki, indiyədək Bakıda, həmçinin onun kənd və qəsəbələrində sahibkarlıq subyektlərinin 2731 investisiya layihəsinə 686,6 milyon manat güzəştli kredit ayrılıb.

Ölkə üzrə bu il 774 investisiya layihəsi üçün 101,4 milyon manat güzəştli kredit sərf olunduğu vurğulanıb.

İşgüzar forumda Bakı qəsəbələrində fəaliyyət göstərən sahibkarlar 2,6 milyon manat güzəştli kredit alıb.