Sentyabrın 10-da avronun rəsmi məzənnəsi 1,8774 manata yüksəlib.

Novator.az-ın məlumatına görə, Çin yuanı (0,2389 manat) və İngiltərə funt sterlinqi də (2,0977 manat) bahalaşıb.

Mərkəzi Bank ABŞ dollarının kursunu 1,7 manat, Rusiya rublunu 0,0259 manat həddində saxlayıb.

Dəyər itirən Gürcüstan larisi banklara 0,5728, Türkiyə lirəsi 0,2954 manata təklif olunur (Valyutalar).

Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların indiki kursu isə 2018-ci il martın 7-dən qüvvədədir.

Dövlət Neft Fondu manatı qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.