Forum: 41 sahibkar kredit aldı
İqtisadiyyat Nazirliyinin Sahibkarlığın İnkişafı Fondu sentyabrın 5-i Xaçmaz rayonunda işgüzar forum keçirib. Rəsmi məlumata görə, forumda çıxış edən iqtisadiyyat nazirinin müavini Sahib Məmmədov 2019-cu ildə 721 sahibkarın investisiya layihələrinə 76,2 milyon manat güzəştli kredit verildiyini deyib.
5 sentyabr forumunda Quba-Xaçmaz iqtisadi rayonunun 41 sahibkarı 3,8 milyon manat güzəştli kredit alıb. Kreditlərin turizm, heyvandarlıq, bağçılıq, aqroparkın yaradılması, tara istehsalı və başqa sahələrə yönəldiləcəyi vurğulanır.
