Yaşamalı 10 şəhər
“Economist İntelligence Unit” şirkəti yaşamaq üçün ən rahat şəhərlərin reytinqini açıqlayıb. Reytinq tərtib olunarkən səhiyyə xidmətinin keyfiyyəti və əlçatanlığı, təhsil və mədəniyyətin səviyyəsi, iqlim, cinayətkarlıq həddi, nəqliyyat infrastrukturu kimi meyarlar nəzərə alınıb.
Novator.az xəbər verir ki, reytinqin ilk pilləsində Avstriyanın paytaxtı Vyana qərarlaşıb.
İkinci və üçüncü yerlərdə Avstraliyanın Melburn və Sidney şəhərləri göstərilib.
Reytinq cədvəlinin ilk onluğunda Yaponiyanın Osaka şəhəri, Kanadanın Kalqari, Vankuver və Toronto şəhərləri, Yaponiyanın paytaxtı Tokio, Danimarkanın paytaxtı Kopenhagen, Avstraliyanın Adelaida şəhəri də yer alıb.
Suriyanın paytaxtı Dəməşq isə yaşamaq üçün ən əlverişsiz şəhər elan olunub.
Səidə Hüseynova
