Mərkəzi Bankın hesabatına görə, sentyabrın 1-nə valyuta ehtiyatının həcmi 6 milyard 4,3 milyon dollara çatıb. Bu, 2019-cu ilin əvvəli ilə müqayisədə 378,6 milyon dollar çoxdur. Yanvarın 1-nə 5 milyard 625,7 milyon dollarlıq valyuta ehtiyatı vardı.

Fevralın 1-nə valyuta ehtiyatı 5 milyard 655,9 milyon dollara, martın 1-nə 5 milyard 761,9 milyon dollara, aprelin 1-nə 5 milyard 778,6 milyon dollara, mayın 1-nə 5 milyard 789 milyon dollara, iyunun 1-nə 5 milyard 870,9 milyon dollara, iyulun 1-nə 5 milyard 939,4 milyon dollara, avqustun 1-nə 5 milyard 962,8 milyon dollara yüksəlib.

Sentyabrın 1-nə qeydə alınmış 6 milyard 4,3 milyon dollarlıq ehtiyat 2015-ci ilin dekabr ayından bəri ən yuxarı rəqəmdir.

Novator.az bildirir ki, 2009-cu ilin əvvəlində valyuta ehtiyatı 6 milyard 137 milyon dollar olub, 2010-cu ilin əvvəlinə 5 milyard 161,7 milyon dollara düşüb.

Mərkəzi Bank 2011-ci ilin əvvəlində 6 milyard 407,6 milyon dollar valyuta ehtiyatı olduğunu açıqlayıb.

2012-ci ilə ehtiyatların həcmi 10 milyard 481,5 milyon dollara, 2013-cü ilə 11 milyard 694,8 milyon dollara, 2014-cü ilə 14 milyard 152 milyon dollara qalxıb.

2015-ci ilin əvvəlində 13 milyard 758,3 milyon dollar valyuta ehtiyatı qeydə alınıb. İlin sonuna ehtiyatın həcmi 5 milyard 16,7 milyon dollara enib.

2017-ci il yanvarın 1-nə ehtiyatın həcmi 3 milyard 974,4 milyon dollar göstərilib. İl 5 milyard 334,6 milyon dollarla başa çatıb.