Mərkəzi Bankın ehtiyat hesabatı
Mərkəzi Bank yeni hesabatlar yayıb. Novator.az bildirir ki, rəsmi bilgiyə görə, sentyabrın 1-nə valyuta ehtiyatının həcmi 6 milyard 4,3 milyon dollar olub.
Pul bazasını Mərkəzi Bank sentyabrın 1-nə 10 milyard 157,6 milyon manat göstərir.
Başqa bir hesabata əsasən, 2019-cu ilin yanvar-iyul aylarında Azərbaycan banklarının əhaliyə satdığı nağd ABŞ dolları kütləsinin həcmi 1 milyard 364 milyon 379,3 min dollar təşkil edib, bu da 2018-ci ilin müvafiq dövrünə nisbətən 15,1 faiz azdır.
Yeddi ayda ölkə əhalisinin banklara satdığı nağd dollar kütləsinin ümumi həcmi 1 milyard 103 milyon 341,8 min dollar göstərilir, bunun 2018-ci ilin yanvar-iyul aylarına nisbətən 9 faiz az olduğu vurğulanır.
