İngiltərənin “Arsenal” komandası erməni futbolçu Henrix Mxitaryanı İtaliyanın “Roma” klubuna icarəyə verib. Novator.az-ın məlumatına görə, qərar sentyabrın 2-də açıqlanıb.

Henrix Mxitaryan 1989-cu ildə Yerevanda anadan olub. “Arsenal”a qədər Ermənistanın “Pünik”, Ukraynanın “Metallurq”, “Şaxtyor”, Almaniyanın “Borussiya” (Dortmund), İngiltərənin “Mançester Yunayted” klublarında oynayıb. Ermənistan milli komandasının kapitanıdır.

“Arsenal”a 2018-ci ilin yanvarında gələn futbolçunun müqaviləsi 2021-ci ildə başa çatmalıdır. O, həftədə 220 min funt sterlinq maaş alırdı.

Futbolçu işğal altında olan Azərbaycan torpaqlarına səfərləri və separatçı Dağlıq Qarabağ rejiminə yardımları ilə tanınır.