Sərhəddə atəş
Erməni snayperlər Azərbaycanın sərhəd döyüş məntəqəsini atəşə tutublar. Novator.az xəbər verir ki, Azərbaycanın Dövlət Sərhəd Xidmətinin mətbuat mərkəzi belə açıqlama yayıb.
Açıqlamaya görə, hadisə avqustun 29-u saat 18:30-da baş verib. Snayperlər Ermənistanın Noyemberyan rayonunun Şavarşavan kəndi yaxınlığındakı döyüş mövqeyindən atəş açıblar. Nəticədə Azərbaycanın Sərhəd Qoşunlarının Qazax rayonunun Fərəhli kəndi istiqamətindəki döyüş məntəqəsinin arxa istiqamətində – təminat yolunda hərəkət edən hərbi yük nəqliyyat vasitəsi atəşə məruz qalıb.
Hərbi qulluqçularımız arasında xəsarət alan olmayıb.
Düşmən snayperlərinin atəş nöqtələri cavab atəşi ilə susdurulub.
