Nikbin adam daha çox yaşayır
ABŞ-ın Boston Universitetinin alimləri nikbinliyin ömür uzunluğuna təsirini araşdırıblar. Novator.az xəbər verir ki, Milli Elmlər Akademiyasına təqdim edilən tədqiqatın nəticələrinə görə, nikbin insan bədbin insanla müqayisədə 15% uzunömürlü olur.
Alimlər bir neçə il minlərlə könüllünün həyatını izləyiblər. Mütəxəssislər nikbin insanın daha sağlam həyat tərzi sürdüyünü, məqsədinə çatmaq üçün özünə daha çox arxayın olduğunu, onların sağlamlıq üçün faydalı vərdişlərinin daha çox inkişaf etdiyini aşkara çıxarıblar.
Tədqiqat göstərib ki, nikbin insanlar çətin vəziyyətlərə bir o qədər də emosional reaksiya vermir və ciddi streslərdən sonra tez özlərinə gəlirlər.
Alimlər nikbin adamların ürək-damar və ağ ciyər xəstəliklərinə tutulmaq ehtimalının daha az olduğunu iddia edirlər. Onların fikrincə, nikbinlik anadangəlmə əlamət deyil, onu özünə təlqin etmək olar.
Səidə Hüseynova
