Hərrac hesabatı
Əmlak Məsələləri Dövlət Komitəsinin 27 avqust hərracında kiçik dövlət müəssisəsi, yarımçıq tikili və nəqliyyat vasitələri özəlləşdirilib. Rəsmi məlumata görə, hərracda 11 əmlak üzrə ümumilikdə 17 sifariş verilib.
Beyləqan şəhərindəki əmlak kompleksinin 440 kvadratmetrlik torpaq sahəsi ilə birgə ilkin hərrac qiyməti 15 min manat təyin olunub, dövlət əmlakı 36 min 500 manata satılıb.
Siyəzən şəhərində yerləşən yarımçıq tikili 2 min kvadratmetrlik torpaq sahəsi ilə birgə 12 min manata sahibini tapıb.
2009-cu ildə buraxılmış “Hunday Sonata” markalı avtomobil 12 min 800 manata özəlləşdirilib.
3 sentyabr hərracına 55 dövlət əmlakı çıxarıldığı vurğulanır.
