UEFA Çempionlar Liqası və Avropa Liqasında bir ələmə mərhələsi qalır. Novator.az bildirir ki, 2019-2020-ci illər mövsümünə vəsiqə almış 237 komandadan (Çempionlar Liqasına 79, Avropa Liqasına 158 klub buraxılıb) 136-sı əvvəlki raundlarda mübarizəni dayandırıb.
Lixtenşteyn, Albaniya, Şimali Makedoniya, Bosniya, Moldova, İrlandiya, Finlandiya, Gürcüstan, Malta, İslandiya, Uels, Cəbəllütariq, Monteneqro, Estoniya, Kosovo, Farer adaları, Andorra və San Marino təmsilçisiz qalıblar.
İspaniya, İngiltərə, Almaniya və İtaliyanın klub turnirlərində 7, Fransanın 6 komandası var.
Rusiya, Portuqaliya və Belçika 5, Ukrayna, Türkiyə və Hollandiya 4 komanda ilə təmsil olunurlar.
Avstriya, Yunanıstan və İsveçrənin 3 komandası qalır.
Kipr, Xorvatiya, Serbiya, Şotlandiya, Norveç, İsveç, İsrail və Rumıniya 2, Çexiya, Danimarka, Belarus, Qazaxıstan, Azərbaycan, Polşa, Bolqarıstan, Slovakiya, Sloveniya, Macarıstan, Litva, Ermənistan, Latviya, Lüksemburq və Şimali İrlandiya 1 komanda ilə yarışırlar.
