Yeniliklərin tətbiqi: Azərbaycan 129 ölkə arasında 84-cüdür
ABŞ-ın Kornell Universiteti, Fransanın Biznes Məktəbi və Tədqiqat İnstitutu (İNSEAD) BMT-nin Ümumdünya İntellektual Mülkiyyət Təşkilatı ilə birgə “Qlobal innovasiya indeksi” tərtib edib.
Novator.az-ın məlumatına görə, 129 ölkəni əhatə edən reytinq 82 göstəriciyə əsaslanıb, innovasiya yönümlü fəaliyyətin iqtisadi artıma və inkişafa təsirini nəzərə alıb.
Reytinqin göstəriciləri 7 əsas qrupda birləşdirilib: institutlar, insan kapitalı və tədqiqatlar, infrastruktur, bazarın inkişaf səviyyəsi, biznesin inkişaf həddi, bilik və texnologiyalar sahəsindəki nəticələr, yaradıcılıq fəaliyyətində nəticələr.
Azərbaycan reytinq cədvəlində 84-cü pillədə göstərilir.
Yaxın ölkələrdən Rusiya 46-cı, Gürcüstan 48-ci, Türkiyə 49-cu, Ermənistan 64-cü yerdə qərarlaşıb.
“Qlobal innovasiya indeksi”nə İsveçrə liderlik edir.
İlk onluqda İsveç, ABŞ, Niderland, Böyük Britaniya, Finlandiya, Danimarka, Sinqapur, Almaniya və İsrail də yer alır.
Səidə Hüseynova
