Rəsmi işsizlər üzrə lider bölgələr
2019-cu il iyulun 1-nə Azərbaycanın məşğulluq xidməti orqanları 55 min 791 nəfərə rəsmi işsiz statusu verib, onların 832 nəfəri sığorta ödənişi alıb. Dövlət Statistika Komitəsi ödənişin orta məbləğini 221,2 manat göstərib.
Novator.az-ın məlumatına görə, rəsmi işsizlər ən çox bu şəhər və rayonlarda qeydə alınıb:
Bakı – 25 min 723 nəfər
Sumqayıt – 3798 nəfər
Şəmkir – 3294 nəfər
Abşeron – 1395 nəfər
Salyan – 1237 nəfər
Hacıqabul – 935 nəfər
Bərdə – 811 nəfər
Ağdam – 785 nəfər
Tovuz – 772 nəfər
Gəncə – 717 nəfər
Daşkəsən – 681 nəfər
Masallı – 648 nəfər
Quba – 620 nəfər
Siyəzən – 566 nəfər
Gədəbəy – 546 nəfər
Mingəçevir – 546 nəfər
Neftçala – 542 nəfər
Şamaxı – 512 nəfər
Qazax – 509 nəfər.
Sığorta ödənişi işçinin sığorta stajından asılı olaraq onun itirilmiş orta aylıq əməkhaqqının məbləğinə müəyyən faiz dərəcələri tətbiq olunmaqla hesablanır. İşçinin sığorta stajı 3 ildən 5 ilə qədər olduqda onun itirilmiş orta aylıq əməkhaqqının məbləğinin 50%-i, sığorta stajı 5 ildən 10 ilə qədər olduqda 55%-i, sığorta stajı 10 ildən yuxarı olduqda 60%-i məbləğində işsizliyə görə aylıq sığorta ödənişi verilir.
