İyulun 23-də ABŞ dollarının (1,7 manat) və Rusiya rublunun (0,0270 manat) rəsmi məzənnələri sabit qalıb.

Mərkəzi Bank dəyər itirən avronu 1,9027, Türkiyə lirəsini 0,2989 manata təklif edir.

Gürcüstan larisinin kursu isə 0,5913 manata yüksəlib (Valyutalar).

Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.

Dövlət Neft Fondu Mərkəzi Bankın manatı qorumaq üçün yanvar-iyun aylarında keçirdiyi valyuta hərraclarında 2 milyard 643,6 milyon ABŞ dolları məbləğində vəsait satıb.