Qaçqın statusu üçün müraciətlər 53 faiz artıb
İyulun 18-də mətbuat konfransı keçirən Dövlət Miqrasiya Xidmətinin rəisi Vüsal Hüseynov 2019-cu ilin ilk yarısı üzrə hesabat verib. O deyib ki, yanvar-iyun aylarında Azərbaycana daxil olan əcnəbilərin sayı ötən ilin ilk yarısı ilə müqayisədə 6 faiz, ölkədə müvəqqəti yaşayanların sayı 0,4 faiz, iş icazəsi alanların sayı 14 faiz artıb.
Qaçqın statusu üçün müraciətlərdə 53 faiz artım qeydə alındığı vurğulanıb.
Sədrin sözlərinə görə, yarım ildə Dövlət Miqrasiya Xidmətinin qanunvericiliyin tələblərinin pozulması ilə bağlı qəbul etdiyi qərarların sayında 34 faiz azalma var.
Hesabata əsasən, vətəndaş müraciətlərinin sayı 8 faiz azalıb.
