Miqrasiya: pozuntular və cəzalar açıqlanıb
Dövlət Miqrasiya Xidməti 2019-cu ilin ilk yarısına aid statistika yayıb. Rəsmi hesabata görə, yanvar-iyun aylarında əcnəbilərin və vətəndaşlığı olmayan şəxslərin olduğu yer üzrə qeydiyyatı ilə 303 min 621 müraciət qeydə alınıb.
Quruma ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətinin uzadılması üçün 36 min 712 müraciət daxil olduğu bildirilir.
Yarım ildə miqrasiya tələblərinin pozulması ilə əlaqədar 6327 qərar qəbul edilib.
3543 qərarda cərimə tətbiqi yer alıb.
Ölkə ərazisinə girişə məhdudiyyət qoyulmanı nəzərdə tutan 2535 qərar çıxarılıb.
124 qərar müvəqqəti və daimi yaşamaq üçün icazə vəsiqələrinin itirilməsi, 77 qərar qeydiyyata alınma və qeydiyyatdan çıxarılma tədbirlərinin görülməməsi ilə bağlı olub.
Əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 43, qanunvericiliyin digər müddəalarının tələblərinin pozulması üzə 5 qərar qəbul olunub.
