İyulun 21-i Ukraynada parlament seçkisi keçiriləcək. 450 yerlik parlamentin 225 deputatı majoritar (dairələr üzrə), 225 deputatı proporsional (partiya siyahıları üzrə) sistemlə seçilir.
Proporsional sistem üzrə 22 partiya yarışır. Ali Radaya düşmək üçün partiya azı 5% səs toplamalıdır.
Novator.az-ın məlumatına görə, “Reytinq” sosioloji qrupu 2000 seçici arasında sorğu aparıb. 6-10 iyul arasında keçirilmiş sorğunun nəticələrinə əsasən, respondentlərin 47%-i prezident Vladimir Zelenskini dəstəkləyən Xalq Xidmətçisi Partiyasına səs vermək niyyətindədir.
Deputat Yuri Boykonun Müxalif Platforma Partiyası sorğuda 11,6%, sabiq prezident Pyotr Poroşenkonun Avropa Həmrəyliyi Partiyası 8,2%, musiqiçi Svyatoslav Vakarçukun Səs Partiyası 6,6%, deputat Yuliya Timoşenkonun Batkivşina Partiyası 6,4% nəticə göstərib.
Ukrayna Konstitusiyasına görə, hökuməti parlamentdə azı 226 mandatı olan siyasi qüvvə qurur.
1978-ci il təvəllüdlü Vladimir Zelenski bu il aprelin 21-də prezident seçilib.
Ukraynada növbədənkənar seçki təyin olundu
