Ermənistanda turist artımı
2019-cu ilin yanvar-iyun aylarında Ermənistanı ziyarət edən əcnəbi turistlər ötən ilin ilk yarısı ilə müqayisədə 120 milyon dollar çox pul xərcləyiblər. Novator.az-ın məlumatına görə, Mərkəzi Bankın sədri Artur Cavadyan iyulun 11-i hökumətin iclasında belə deyib.
Artur Cavadyan qeyd edib ki, yanvar-iyun aylarında restoranlarda sifarişlər 75%, mehmanxanalarda 32%, supermarketlərdə 30% artıb.
Mərkəzi Bankın sədri bankomatlardan nağd şəkildə çıxarılan pulların həcmində 22% artım olduğunu da vurğulayıb.
Artur Cavadyan əlavə edib ki, 2019-cu ilin ilk 6 ayında Ermənistana 2018-ci ilin eyni dövrünə nisbətdə 85 min çox turist gəlib.
Səidə Hüseynova
