Prezident İlham Əliyev Azərbaycanın 2018-ci il büdcəsinin icrası haqqında qanunu imzalayıb. Qanuna əsasən, gəlirlər 22,5 milyard manat, xərclər 22,7 milyard manat məbləğində təsdiq edilib.
Gəlirlərin 10 milyard 959 milyon manatı Dövlət Neft Fondundan köçürmənin payına düşür.
Ümumi dövlət xidmətlərinə 3,5 milyard manat, müdafiəyə 2,8 milyard manat, məhkəmə hakimiyyəti, hüquq mühafizə və prokurorluq sisteminə 1,3 milyard manat, təhsilə 1,9 milyard manat, səhiyyəyə 709,8 milyon manat, sosial müdafiə və sosial təminata 2,1 milyard manat xərclənib.
Kənd təsərrüfatına 703,3 milyon manat, sənaye, tikinti və faydalı qazıntılara 5 milyard 87,1 milyon manat ayrılıb.
Büdcə kəsiri 222,7 milyon manat göstərilir.
