İqtisadiyyat Nazirliyinin Sahibkarlığın İnkişafı Fondu iyulun 9-u İsmayıllıda işgüzar forum keçirib. Rəsmi məlumata görə, forumda Dağlıq Şirvan iqtisadi rayonunda fəaliyyət göstərən 28 sahibkara 476 min manat güzəştli kredit verilib. Kreditlərin əsasən heyvandarlıq, bağçılıq, üzümçülük və s. sahələrin inkişafına yönəldiləcəyi, 30-dan çox iş yerinin açılmasının mümkün olacağı bildirilir.

İqtisadiyyat nazirinin müavini Sahib Məmmədov forumda qeyd edib ki, bu il 545 sahibkarın investisiya layihələrinin maliyyələşdirilməsinə 50,1 milyon manat güzəştli kredit ayrılıb: “Bu kreditlərdən istifadə etməklə investisiya layihələrinin reallaşdırılması 2000-dək iş yerinin yaradılmasına imkan verir”.