8 nəfərin ölümü: sürücü tutulub
Daxili İşlər Nazirliyi və Baş Prokurorluq birgə məlumat yayıb. Qeyd olunur ki, iyulun 9-u Ələt-Astara avtomobil yolunun Masallı rayonu ərazisində Nizami Mustafayevin idarə etdiyi “Mersedes Benz Vito” markalı mikroavtobus Elvin Zeynalovun idarə etdiyi “Kamaz 5511” markalı yük avtomobilinə arxadan çırpılıb, nəticədə mikroavtobusdakı 8 nəfər həlak olub, 1 nəfər xəsarətlər alıb: “Daxili İşlər Nazirliyinin Baş İstintaq və Təhqiqat İdarəsinə bilavasitə tabe olan yol-nəqliyyat hadisələrinə dair işlər üzrə istintaq və təhqiqat şöbəsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma iki və daha çox şəxsin ölümünə səbəb olduqda) maddəsi ilə cinayət işi başlanıb.
Aparılmış istintaqla hadisəni Nizami Mustafayevin yol hərəkəti və nəqliyyat vasitələrinin istismarı qaydalarını kobud surətdə pozaraq törətməsinə əsaslı şübhələr müəyyən edilib, o, şübhəli şəxs qismində tutulub”.
