Prezident İlham Əliyev ikinci Avropa Oyunlarında medal almış Azərbaycan idmançılarını və onların məşqçilərini mükafatlandırıb.

İkinci Avropa Oyunları iyunun 21-dən 30-dək Belarusun paytaxtı Minskdə keçirilib. Azərbaycan idmançıları yarışlarda 5 qızıl, 10 gümüş, 13 bürünc medal əldə edib.

Novator.az-ın məlumatına görə, prezident İlham Əliyevin 4 iyul sərəncamı ilə Avropa Oyunlarında birinci yeri tutmuş idmançıya 50 min manat, onun şəxsi məşqçisinə 25 min manat; ikinci yeri tutan idmançıya 30 min manat, onun şəxsi məşqçisinə 15 min manat; üçüncü yeri tutan idmançıya 20 min manat, onun şəxsi məşqçisinə 10 min manat verilir.

Milli yığma komandaların baş məşqçiləri ən yüksək nəticə göstərmiş bir idmançıya görə şəxsi məşqçinin aldığı məbləğ qədər (bir dəfə) mükafat götürür.