Yarım ilin populyar adları
Novator.az 2019-cu ilin ilk yarısının populyar adlarına nəzər salıb.
Ədliyyə Nazirliyinin rəsmi saytındakı statistikaya görə, 2019-cu ilin populyar qız adları arasında Zəhra ilk sıradadır. Bu adı 1038 uşaq alıb.
Bu il Nuray adı 670, Aylin adı 661, Zeynəb adı 658, Məryəm adı 653, Mələk adı 564, Fatimə adı 555, İnci adı 455, Dəniz adı 445, Ayan adı 414 uşağa qoyulub.
Oğlan uşaqlarına ən çox Yusif adı verilib: 1006 uşaq.
Populyar adların ilk onluğunda Əli (917 uşaq), Hüseyn (789), Uğur (763), Məhəmməd (567), Ömər (563), Murad (548), Ayxan (485), Tunar (386) və Ümid (303) adları da yer alır.
