Miqrasiya pozuntuları, cəzalar
Dövlət Miqrasiya Xidməti 2019-cu ilin may ayına aid statistika açıqlayıb. Rəsmi hesabata görə, ay ərzində əcnəbilərin olduğu yer üzrə qeydiyyatı ilə bağlı 47 min 493 müraciət qeydə alınıb.
Əcnəbilər və vətəndaşlığı olmayan şəxslər ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətlərinin uzadılmasına görə 6 min 915 müraciət edib.
DMX ay ərzində qanunvericiliyin tələblərinin pozulması ilə əlaqədar 1067 qərar qəbul edib. 596 qərar ölkə hüdudlarından kənara inzibati qaydada çıxarılmamaqla cərimə tətbiqini nəzərdə tutub.
Ölkə ərazisinə girişə məhdudiyyət qoyulmanı rəsmiləşdirən 423 qərar çıxarılıb.
23 qərar müvəqqəti və daimi yaşamaq üçün sənədin yeni sənədlə əvəz olunması, 8 qərar qeydiyyata alınma və qeydiyyatdan çıxarılma üçün tədbirlərin görülməməsi ilə bağlıdır.
Əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 17 qərar qəbul edilib.
