70,8 milyon didərgin var
BMT 2018-ci il üzrə qaçqın və məcburi köçkün hesabatı açıqlayıb. Novator.az-ın məlumatına görə, məcburi köçkün sayının ötən il 70,8 milyon nəfərə çatdığı bildirilir. Bu, son 70 ilin ən yüksək göstəricisi kimi rəsmiləşib.
Hesabata əsasən, 2018-ci ildə məcburi köçkünlərin sayı 13,6 milyon nəfər artıb.
41,3 milyon insanın dövlətin daxilində didərgin düşdüyü qeyd edilir.
2018-ci ilin yekunlarına əsasən, 25,9 milyon insan rəsmi qaçqın statusu alıb. Onların 5,5 milyonu Fələstin qaçqınıdır.
Suriyadan 6,7 milyon, Əfqanıstandan 2,7 milyon, Cənubi Sudandan 2,3 milyon, Myanmadan 1,1 milyon insanın qaçqın düşdüyü vurğulanır.
Səidə Hüseynova
