Azərbaycanlılar evi niyə Türkiyədə alırlar?
Azərbayan vətəndaşları bu ilin yanvar-may aylarında Türkiyədə 464 mənzil alıblar.
Keçən ilin eyni dövründə Azərbayan vətəndaşlarının Türkiyədə aldığı mənzillərin sayı 332 olub.
Novator.az-ın məlumatına görə, iqtisadçı Natiq Cəfərli “Facebook” səhifəsində yazıb ki, əcnəbilərin Türkiyədə aldıqları mənzillərin orta qiyməti 100 min dollar civarındadır: “Deməli, Azərbayan vətəndaşları bu ilin beş ayında Türkiyədə təqribən 50 milyon dollarlıq daşınmaz əmlak alıblar. Bu templə getsə, ilin sonuna Türkiyədə mənzil almaq üçün Azərbaycandan çıxarılan pulun həcmi təqribən 110-120 milyon dollar olacaq.
Dünyada neft bahalaşan kimi Azərbaycanda büdcə xərcləmələri artır. Büdcə xərcləmələri çoxalanda isə ölkədə korrupsiya sxemləri nəticəsində artıq pul kütləsi yaranır. Azərbaycanda bərbad investisiya mühiti olduğu üçün əlavə vəsait əsasən Türkiyənin, Gürcüstanın daşınmaz əmlakına yatırılır. Çünki pul daha cəlbedici və dayanıqlı məkan axtarır”.
