Qazaxıstan: etiraz aksiyalarının cəzaları bəlli oldu
Qazaxıstanda prezident seçkisi fonunda keçirilmiş etiraz aksiyalarında 950-dən çox şəxs tutulub.
İyunun 9-da keçirilmiş prezident seçkisində hakim Nur Otan Partiyasının namizədi Qasım-Comərd Tokayev qalib elan olunub. O, iyulun 12-də and içərək səlahiyyətlərinin icrasına başlayıb.
Novator.az bildirir ki, müxalif qruplar iyunun 9-u və 10-da, əsasən paytaxt Nur-Sultanda və Almatı şəhərində etiraz aksiyaları keçirib.
İyunun 13-də Baş Prokurorluq bəyan edib ki, icazəsiz etiraz aksiyalarında 957 nəfər tutulub. Onların 670 nəfəri inzibati həbs cəzası alıb, 115 nəfər cərimələnib, 172 nəfərə xəbərdarlıq edilib.
İnzibati həbs alanların bir qismi prokurorluq orqanlarının vəsatəti əsasında tez buraxılıb, 180 nəfər isə 6 gündən 15 günədək həbs cəzası çəkəcək.
Səidə Hüseynova
